Aktarada caanka ah Karisma Kapoor iyo Sunjay Kapur oo is furay bishii June ee sanadkan ayaa ku kulmay bandhig dansi oo ka dhacay Mumbai.

Labadooda waxaa ku wehliyay bandhigan gabadhooda Samaira oo koriimo fiican ku jirta islamarkaana ay ka muuqato quruxdii hooyadeed ee Karisma Kapoor.

Karisma ayaa gabadheeda Samaira kor ay u saarneyd halka kursiga ku xigay keeda uu fadhiyay ninkeedii hore Sunjay.

Aktarka caanka ah ee Saif Ali Khan oo qaba Karisma Kapoor walaasheed Kareena ayaa mudooyinkan dhex ordayay lamaanayaashan kala tagay isagoo rabay inuu nabad ka dhex dhaliyo oo ay dib isugu soo laabtaan.

Karisma Kapoor oo 40 jir ah haatan ayaa guursatay  Sunjay Kapur sanadkii 2003 waxaana ay kala tageen sanadkii 2014,waxaa ay u dhashay labo caruur.

Waa Karisma Kapoor ,Geeska Ninkeedii hore,dhexdana waa gabadhooda Samaira

Seddexda Khan xili ay dagaalsanayeen hada waxaa ay taageerayaashooda Adduunka u  muujinayaan xiriirkooda saaxibtinimo.

Ugu dambeyn seddexda Khan ee Bollywoodka caanka ka ah ee Shah Rukh Khan, Salman Khan iyo Aamir Khan ayaa si rasmi ugu soo muuqanaya sanad guurada loo sameynayo Telefishinka qaranka India.

Gudoomiyaha Telefishinka India Rajat Sharma ayaa xaqiijiyay seddexda Khan in bandhiga xafladaas ay kasoo muuqan doonaan.

Shah Rukh Khan, Salman Khan iyo Aamir Khan ayaa iska ilaaway markan xifiltankii ka dhaxeeyay waxaana ay diyaar u yihiin iney si farxadleh u wada socdaan.

Inta uu socday Arooska Salman Khan walaashii Arpita  Khan waxaa la arkayay Shah Rukh Khan iyo Salman Khan oo si isdaba joog ah xabadka isku saaraya.

Sidoo kale Amir Khan oo isagana ka qeybgalay ayey si farxadleh isu wajaheen Salman Khan.

Telefishinka wadanka India ayaa u dabaaldagaya sanad guuradii 21 aad,waana TV-ga ugu waqtiga dheer ee dalkaas.

2-da bisha December sanadka 2014 oo maalmo yar ay ka harsan yihiin ayey ku beegan tahay xaflada Telefishinka oo ay ka soo qeybgalayaan Madaxweynaha dalka,Ra’iisul wasaaraha,bahda sportiga,hogaamiyaasha ganacsiga iyo kuwa kale.

Aktarada Bollywoodka ee lagu martiqaaday xafladan marka laga soo tago seddexda Khan waxaa kamid ah Ranbir Kapoor, Deepika Padukone, Priyanka Chopra ,Sonakshi Sinha iyo kuwa kale.

Ma filayo dadka soomaalida iney garanayaan magaca Panchi Bora laakiin marka aan dhaho Prachi Shah waa gabadha Sabarka badneyd ee waday Filimkii Kayamath.

Markii aan aragnay in dhalinyarada qaar ee soomaalida ay jecelyihiin daawashada musalsalka  Kayamath ayaan is neri armey wax ugu baahan yihiin nolasha Aktaradii filimkaas wax ka jilay,waxaana halkan ku koobeynaa maanta nolasha Panchi Bora oo ku caan ah magaca Filimkii Kayamath Prachi Shah.

Inta aan dulucda sheekada gelin waxaad ogataa in  musalsalka Kayamath ee haatan dadka ay daawanayaan inuu soo baxay 19-kii February sanadkii 2007 waxaana jilistiisa la soo gaba gabeeyay 12-kii March 2009 laakiin Soomaalida hada ayuu u cusubyahay filimkan.

Aktarada Panchi Bora waxaa ay dhalatay 27-dii December sanadkii 1985-tii waa 28 jir.

Aabaheed waxaa uu ka tirsanaa ciidamada dalka India,laakiin waa uu ka duqoobay shaqadaas,waxaana ay dageen Pune.

Panchi Bora waxaa ay aheyd Ardayad waxbarashada u nugul,waxaa ay rabtay iney noqoto qareen ama Abukaate,waxaana ay culuunta sharciga ay ka baraneysay College ku yaala Pune.

In la arko quruxda gabadhan ayaa timid markii ay iyada iyo hooyadeed ay ka soo muuqdeen Telefishinka dalka oo ay xayeysiin u sameeyeen markaasna waxaa lagu jiray sanadkeedii ugu horeeyay koleejka.

Ekta Kapoor oo la dhalatay Aktarka Bollywoodka Tusshar Kapoor ayaa aragtay  Panchi Bora waxaana ay u sheegtay iney ka caawineyso ku biirida filimada musalsalada India ugu caansan,maxaa yeelay iyada waxaa ay tahay filim soo saare.

Sanadkii 2004 Aktaradan ayaa keentay musalsalkeedii ugu horeeyay waxaana uu ahaa Kitni Mast Hai Zindagi,waxaa loogu yeerayay filimkaas Ananya Puri,Tv-ga qaranka India ayaana siideynayay musalsalkan.

Sanadkii 2007 Prachi Shah gabadha ku caanka ah waxaa ay keentay  Kahin Toh Hoga ,waxaana loogu yeerayay Prachi Shah,waxaana siideynayay filimkaas TV-ga STAR Plus.

Kadib filimkaas 2007 waxaa ay Aktaradan la keentay Kayamath Aktarka Shabbir Ahluwalia  oo caan ku ah magaca filimkaas loogu yeerayay ee Milind Mishra,waxaana uu filimkaas noqday mid jaceel oo laga hadalhayo India iyo Soomaalida oo wali laga daawado.

Prachi Shah marka uu soo dhamaaday Filimka Kayamath waxaa la gudoonsiiyay Abaalmarin weyn oo doorkeeda filimkan ku muteysatay sida ay ugu baxsatay.

Laakiin Inta Kayamath aysan soo jilin Aktaradan waxaa ay rabtay iney qalin jibinta dhameysato waana tan culuumta sharciga waxaana ay ka soo qaadatay Bachelor.

Kadib Filimkii Kayamath Prachi Shah waxaa ay keentay Afar musalsal oo kale oo kii ugu dambeeyay ay keentay 2012 waana Gumrah,filimkaas waxaa loogu yeerayaa Neelam,musalsalkaasna waxaa siideynayay Channel V.

Gabagabadha sheekadan oo aad u baahan tahay ayaa ah Mr Panchi Bora ma guursatay,caruurna maleedahay.

Maya ,oo Panchi Bora wali lama guursan.

Gabadhan waxaa lagu xusuusan doonaa filimkii Kayamath oo ay ku jishay gabar la dulmiyo,jil jilicsan,xishood badana.

Aan wax kaa xusuusiyo Filimkeedii Kayamath

Aktarada Bollwoodka Priyanka Chopra ayaa u dabaaldageysa sanad guuradii ka soo wareegatay markii ay noqotay gabadha ugu quruxda badan Adduunka oo dhan.

Mudo 14 sano ayaa laga joogaa markii London lagu boqray Aktaradan oo loo magacaabay Inanta ugu quruxda badan Dunida.

Taageerayaasheeda ayey maanta barta Twitterka ugula dabaaldageysay sawirada xusuusta maalintii wacneyd ee ay boqarada hablaha ay noqotay.

Sanadkii 2000 ayaa Priyanka Chopra iyadoo jirta 18 sano waxaa loo magacaabay quruxda dunida xaflad weyn oo hablo badan oo qurxoon ay ka soo qeybgaleen kana dhacday London.

Xarunta dhexe ee xiriirka qiimeeya quruxda hablaha waxaa ay ku talaa England gaar ahaan London.

Shan jeer ayey India ku guuleysatay Abaalmarinta quruxda Dumarka Dunida haatan waxaa abaalmarintan heysata oo ah boqorada hablaha dunida Megan Young oo u dhalatay wadanka Philippines,sanadkii 2013 ayaa la doortay.

Sanadka 2014 ayaa iyana la dooran doona gabadha quruxda sanadka.

Aan ku xusuusiyo xafladii lagu boqray Priyanka Chopra ee quruxda dunida loogu doortay.

Aktarka qoobka ciyaarka oo ay Soomaalida badanaa u garanayaan Boqorka laakiin magaciisa dhabta uu yahay Prabhudheva ayaa raba inuu Filim la keeno halyeyga Bollywooda Amitabh Bachchan.

Prabhudheva waxaa uu sheegay inuu taageere weyn u yahay Amitabh Bachchan uuna ku riyoonayo in mar uun uu la shaqeeyo.

“waxaan rabaa inaan la shaqeeyo mudane Amitabh,ma garanayo goorta ay taas dhici doonto umana aanan sheegin inaan rabo la shaqeyntiisa wallow aan la kulmay hada ka hor ayuu yiri.

“waa riyo inaan la shaqeeyo isaga, waan jeclahay dhamaan filimadiisa taageere weyn ayaan u ahay isaga yo Rajinikanth oo lagu naaneeso kaabo jeestoole ayuu yiri Aktarkan isagoo la hadlayay IANS.

Aan ku xusuusiyo Aktarka Prabhudheva oo ah Aktar iyo filim soo saare waayihiisa Bollywoodka heesta filimkiisii Love Birds.

Shraddha Kapoor oo uu dhalay Aktarka maadka ku fiican ee Shakti Kapoor ayaa ka dalbatay Shirkada barnaamijka  Guinness World Records ee diiwaangelisa waxyaabaha rikoorada layaabka iyo Mucjisooyinka in  Aabaheed la gudoonsiiyo shahaado maadaama uu keenay 700 oo Filim.

Shraddha ayaa sheegtay in Aabaheed uu yahay halyey Bollywoodka uuna ka sameeyay wax aan la rumeysan karin.

“Aabahey waxaa uu keenay 700 Filim,waa arin aan caadi aheyn,shaki la’aan waa inuu aqoonsi ka helaa shirkada Guinness World Records ayey ku dartay hadalkeeda.

Shakti oo 56 jir ah ayaa keenay Filimo badan oo qosol ah.

Waa mid kamid ah Aktarada keenay doorka laadirka,qosolka iyo kuwa kale.

Aan ku xusuusiyo Shakti Kapoor.

Ninka ugu cimriga dheer Adduunka oo jira 179 sano ayaa ku dacwoonaya sababta uu u dhiman la’yahay,waxaana uu rumeysan yahay in geeridii ayba ilowday isaga.

Magaciisa waxaa la yiraahdaa Mahashta Mûrasi,waxaana uu ku noolyahay dalka India,wuxuu u dhashay sanadkii 1835,waxaana loo aqoonsasay shaqsiga ugu cimriga dheer Adduunka ee wali noool.

Waxaa laleeyahay inta loogu talagalay qofka bini’aadamka inta uu noolaankaro ayuu dhaafay.

Mahashta Mûrasi, waxaa uu ku dhashay Bangalore,waxaa uu ka duqooway inuu shaqeeyo isagoo jira 122 sano,lixdii bishii January 1957.

Mar uu ka hadlayay bal waxa uu dunida ka qabanayo ayuu yiri”ilmihii aan awoowaha u ahaa oo dhan waa ay dhinteen ,cidna kama noola,Aniga dhimashadii ayaa iska key ilowday ayuu yiri.

Ninkan Adduunka ugu da’da weyn ayaa hadalkiisa intaas ku daray ,Hada waanba ka raja dhigay inaan dhimanayo.

Warkii hore war soo dhaaf,Dhimasho ayaaba la rabaa,

Warar soo baxaya ayaa sheegaya in quruxda Bollywoodka Aishwarya Rai Bachchan iyo Aktarka Bollywood badshah lagu naaneeso ee Shah Rukh Khan iney dib u keeni doonaan filimkii Chalti Ka Naam Gaadi.

Filim sameeyaha caanka ah ee Rohit Shetty ayaa raba inuu isu keeno Shah Rukh Khan iyo Aishwarya Rai Bachchan si ay u sameeyaan filimka maadka leh ee ay horay u jileen Kishore Kumar iyo Madhubala.

1 –dii bishii January 1958 ayuu soo baxay filimka Chalti Ka Naam Gaadi oo hada qeybtiisa labaad ay keenayaan Shah Rukh Khan iyo Aishwarya Rai Bachchan.

Hadii uu rumoowo warkan waxaa ay noqoneysaa markii ugu horeysay oo labadan jilaa ay Filim isla keenaan kadib Filimadoodii xusuusta lahaa ee Mohabbatein iyo Devdas.

Booska Aishwarya waxaa markii hore la rabay in lagu badalo Kajol balse ma dhicin.

Aan ku xusuusiyo Labadan Aktar Filimkoodii Mohabbatein.

Kadib geeridii Leeb oo ahaa Aktar caanku ah filimada qosolka waxaa isagana geeriyooday Aktar kale oo Bollywoodka laga wada garanayo.

Maanta oo Tallaado ah waxaa geeriyooday Aktarka qosolka dadka ka dhameeya ee Deven Verma oo dabcan hadii aad Filamada Bollywoodka daawato horay aad ka garan karto,waxaana uu keenay Filimo badan oo qosol leh.

Deven Verma ayaa ku geeriyaaday magaalada Pune waxaana uu u  dhintay wadno xanuun.

Sidoo kale Kaliyaha ayaa laga hayay mudooyinkan,waxaana uu ifka kaga tagay xaaskiisa Rupa Ganguly oo uu dhalay halyeyga Bollywoodka Ashok Kumar.

77 jirkan ayaa ka soo qalin jibiyay inta uusan ku biirin Bollywoodka culuumta Siyaasada iyo sociology.

Filimo badan ayaa lagu siiyay abaalmarin sida Chori Mera Kaam, Chor Ke Ghar Chor iyo Angoor.

Deven Verma waxaa ugu dambeysay Filim uu keeno sanadkii 2003 waana filimkii Calcutta Mail.

Xusuusta Aktarkan geeriyooday iyo filimkii Amir Khan ee Andaz Apna Apna

Sidii la wada sugayay ayaa dhacday,taageerayaasha Bollywoodka ayaa soo dhaweeyay in masrax ay ku wada arkaan Seddexda Khan ee kala ah Shah Rukh Khan, Aamir Khan iyo Salman Khan.

Ugu dambeyn waxaa si wadajir ah xalay ugu soo muuqday  bandhigii 21 aad  ee Telefishinka qaranka dalka India kaas oo loo yaqaan show Aap Ki Adalat.

Waxaa ay u muuqdeen seddexdoodaba kuwa isku faraxsan taas oo ka farxisay ka qeybgalayaasha sanad guurada Telefishinka India sida Ra’iisul wasaaraha dalka,Madaxweynaha,siyaasiin kale,bahda Sportiga ,Aktaro iyo kuwa kale oo lagu casuumay Showgan.

Wixii ka horeeyay bishan ma wanaagsaneen xiriirka seddexda Khan laakiin Arooska Arpita oo la dhalatay Salman Khan ayaa isu keenay seddexdan oo xiriirkooda halkaas ku wanaajiyay.

SRK iyo Salman Khan ayaa shumis labada dhinac ugu keenay Rajat Sharma oo ah madaxa telefishinka qaranka India.

Aktarada kale ee bandhigan ka qeybgalay waxaa kamid ah Ajay Devgn, Sonakshi Sinha, Rani Mukerji, Anil Kapoor iyo kuwa kale.

Salman Khan ayaa ka raali geliyay Aktarada quruxda u saaxibka ah ee Katrina Kaif hadalkii dhawaan uu ku dhexdhahay xaflada Arooska walaashii ee Arpita.

Salman Khan ayaa gacalisadiisii hore hadalo badan ku duray waxaana kamid ahaa iney iska diiday fursad ay ku noqoto xaaskiisa ee magaceeda uu isku badalo Katrina Kaif khan.

Markii ay diiday iney la ciyaarto ayuu Salman Khan inta uu Mikrifoonka qaatay  yiri”oky  waxaan ku dhahayaa Ms Katrina Kaif Kapoor soo kor masraxa taas uu kala jeedo inuu ninkeeda noqonayo Aktarka ay wada socdaan ee Rambir Kapoor.

Salman Khan ayaa u muuqday inuu ka maseyrayo Rambir Kapoor inuu guursado saaxibadiisii hore ee  Katrina waxaana uu ugu daray hadal ah”Adigaa iska lumiyay in lagu dhaho Katrina Khan oo ka doortay Katrina kapoor.

Hadalkaas aad ayey ugu carootay Katrina Kaif inuu ku dhaho Amooraheedii hore ee ay kala tageen.

Dhinaca kale Salman Khan ayaa raba inuu Katrina walaasheed Isabel Kaif uu ka caawiyo iney Bollywoodka soo gasho isagoo la keeni doono filim si ay u soo shacbaxdo.

Fanaanka qoob ka ciyaarka ee u dhashay wadanka koonfurta Korea Psy heeskiisa caanka ah ee Gangnam ayaa rikoor weyn oo daawasho ah ka sameeyay barta  You Tube ee laga daawado Video-yada.

Ma dhicin Abid ayey leedahay Shirkada Google oo iska leh You Tube iney Video ay daawadan tiro dad 2,147,483,647 oo ah inta heeskan Gangnam ka daawatay You Tube.

Durba culeys weyn ayaa lagu arkay You Tube maadaama xadkii loogu talagalay iney daawadaan Video-ga ay dhaafeen taasna waxaa ay keentay in la balaariyo softwarka,sidaa waxaa soo warinaya CNN-ka.

Afhayeenka Googlaha Matt McLernon ayaa sheegay ineysan fileynin heeskan iney daawan doonaan tiradan xadkii loogu tala galay dhaaftay,waxaana uu sheegay in lagu qasban yahay in dib loo casriyeeyo softwarka Yuu Tube si uu xamilo tirade dadka ee heeska daawanaya.

Heeskan isagoo Soomaali ah waxaa ku luqeeyay fanaanka caanka ah ee Faarax murtile laakiin waxaa uu ka soo koobiyeeyay Psy.

Aktarada Bollywoodka Priyanka Chopra ayaa noqotay maanta oo Khamiis ah gabadha ugu soo jiidashada badan dhamaan hablaha kunool qaarada Asia.

Katrina Kaif oo sanadkii hore Abaalmarintan ku guuleysatay ayaa lagu garaacay markan.

32 jirtan Priyanka Chopra oo u dhalatay India ayaa kaga guuleysatay Abaalmarintan soo jiidashada qaab muuqaalkeeda jir ahaaneed 50 dumar oo qaarada Asia ka soo jeeda.

Codeyntan ayaa lagu qaaday wargeyska fadhigiisa England yahay ee ‘Eastern Eye’.

“Ma Ogi waxa aan abaalmarintan ugu qalmo,balse waan ku faraxsanahay inaan noqdo boqoradii soo jiidashada Asia mar kale ayey tiri.

Katrina Kaif oo sanadkii hore noqotay boqorada soo jiidashada Asia ayaa gashay kaalinta afaraad.

Aktarad kale Bollywoodka ee u tartamayay Abaalmarintan waxaa kamid ah Deepika Padukone oo kaalinta lixaad gashay, Kareena Kapoor (8), Sonam Kapoor (9), Shraddha Kapoor (17), Alia Bhatt (24), Mahira Khan (34), Kangana Ranaut (38), Anushka Sharma (47)  iyo Kanika Kapoor (50).

Sidoo kale 50 rag ee ugu soo jiidashada badan qaarada Asia ayaa lagu dhawaaqi doonaa isbuuca dambe.

Boorsamiintada ama goos gooska Filimka cusub ee uu wado Aktarka Akshay Kumar ayaa la siideeyay waana Filim Action ama dagaal ah.

Filimkan oo lagu magacaabo BABY waxaa jilaya Aktarada kala ah Akshay Kumar, Rana Daggubati, Anupam Kher ama Aabaska, Danny Denzongpa  iyo Taapsee Pannu.

Sida uu qorshuhu yahay Filimkan cusub ayaa soo bixi doona sanadkan cusub ee 2015 gaar ahaan bisha ugu horeysa ee January 23-keeda.

Magacyada looga wacayo Aktarada Filimkan jilaya

Akshay Kumar waa loogu yeerayaa  Ajay,

Madhurima Tuli  waa xaaska filimkan ee Akshay Kumar

Taapsee Pannu waa  Priya,

Rana Daggubati waa Jai,

Danny Denzongpa waa Firoz,

Anupam Kher waa  Shuklaji,

Rasheed Naz waa Mohammad Rehman,

Kay Kay Menon waa Bilal

Sushant Singh

Karan Wahi

Goos Gooska Filimkan oo dagaal ah waa kan.

Booliska Mumbai ayaa gacanta ku dhigay oo xeray 23 jir fariimo hanjabaad u diray Aktarada caanka ah ee Madhuri Dixit Nene.

Fariimahan oo la soo diray toddobaad ka hor Aktaradan ayaa waxaa uu ninkan ugu hanjbay inuu caruurteeda dilayo.

Booliska ayaa ogaaday in ninkan magaciisa uu yahay Pravin Kumar Pradhan uuna kawalyeeri ka yahay baar lagu cunteeyo oo ku yaala Mumbai.

Ilahan la helayo ayaan wali xaqiijin in mesejka uu ugu soo diray ama uu ugu gudbiyay fariintan  WhatsApp-ka.

Booliska Mumbai ayaa baaritaan ku haya arintan  oo xeray ninkan Khamiistii shalay.

23 jirkan ayaa la sheegay inuu ugu hanjabay Aktarada iney siiso lacag hadii kale uu dilayo caruurteeda.

Madhuri Dixit Nene ayaa heysata labo caruur ah,waxaana tan iyo sanadkii 1999-kii qaba Sriram Madhav Nene.

Aan ku xusuusiyo Aktaradan

Aktarka Bollywoodka ee caanka ah Sanjay Dutt oo haatan ku xukuman xabsi 42 bilood kuna jira xabsiga magaalada Pune ee Yerwada jail ayaa dalbaday labo toddobaad oo nasasho ah in lagu sii daayo.

Sanjay Dutt ayaa sugaya Aqbalaada codsigiisa oo hadii loo ogolaado 55 jirkan uu heli karo 14 maalmood banaanka uu ku joogo fasax ,waxaa sidoo kale macquul ah in habeeno kale oo dheeri ah loogu daro fasaxa.

Jiligaan wadanka India ayaa laga helay gurigiisa hub badan sanadkii 1993-dii markaas oo magaalada Mumbai uu ka dhacay qarax weyn oo dhimasho iyo dhaawac 1200 oo qof ay ka dhasheen kadib waa la xiray isaga lana xukumay.

30 maalmood in looga dhigo ayaa suuragal ah fasaxa uu kaga soo baxayo xabsiga maadaama xaaskiisa Manyata ay jirantahay.

Sanjay Dutt waxaa u jooga seddex caruur uu isaga dhalay laakiin waqtigiisa inta ugu badan xabsi ayuu ku qaatay,waxaana  damaanad lagu sii daayaa xiliyada  filimada uu jilayo.

Aktarkan ayaa filimkiisa xiga waxaa uu la keeni doonaa Aktarada kala ah Aamir Khan, Anushka Sharma  iyo Sushant Singh Rajput.

Aaan ku xusuusiyo Sanjay Dutt

Aktarka maadka badan ee Riteish Deshmukh ayaa magac u bixiyay canugiisa yar ee dhawaan ay u dhashay Aktarada Genelia D’Souza.

Muluqa yar ee ay dhaleen Aktaradan ayaa waxaa maanta loogu waqlalay magaca Riaan Riteish Deshmukh.

Xaflada Magac bixinta canugan ayaa ka dhacday gurigooda maanta oo sabti ah.

Riteish Deshmukh ayaa xaaskiisa Genelia D’Souza ee canugii ugu horeeyay u dhashay waxaa uu shukaansanayay tan iyo sanadkii 2003,waxaana uu guursaday sanadkii 2012.

Si wadajir ayey filimo u wada keeneen lamaanayaashaan sida Tujhe Meri Kasam iyo Tere Naal Love Ho Gaya.

Halyeeyada heesaga wadanka India Asha Bhosle ayaa la gudoonsiinayaa Abaalmarinta Lifetime Achievement Award oo ah Abaalmarin la gudoonsiiyo  fanaaniinta ugu waqtiga dheer uguna wax qabadka badan.

Xaflada lagu gudoonsiinayo Abaalmarintan Asha Bhosle ayaa ka dhici doonta Dubia.

Filimada Bollywoodka India ayey xirfadeeda ku soo kacday maxaa yeelay waxaa ay heesaheeda ku soo baxaan Filimada Bollywoodka India,haatan waa 81 jir.

Halyeeyadan ayaa soo dhaweysay in la gudoonsiiyo Abaalmarintan Lifetime Achievement Award.

Fanaaniintii horey Abaalmarintan ugu guuleystay waxaa kamid ah Martin Sheen, Omar Sharif, Faten Hamamah, Adel Imam, Jameel Rateb, Sabah, Morgan Freeman, Sean Penn, Amitabh Bachchan, Shah Rukh Khan, Daoud Abdel Sayed, Youssef Chahine, Rachid Bouchareb, Souleymane Cisse, Nabil El-Maleh, Oliver Stone, Danny Glover, Terry Gilliam, Yash Chopra, Subhash Ghai, Michael Apted iyo Mahmoud Abdel Aziz.

Aan ku xusiisiyo codka macaan ee  Asha Bhosle  “Yeh Mera Dil”  iyo filimkii Don, 1978.

kani  waa ninka  maad badan ee  Adel Imam oo Masar u dhashay horay ayaa loo siiyay abaalmarintan

Aktarka Bollywoodka Amitabh Bachchan ayaa u dabaaldagay in taageerayaashiisa Facebooga ay gaaraan 18 milyan.

72 jirkan ayaa u mahadceliyay taageerayaashiisa jacel ee  Faceboogiisa kula saaxibay.

“18 MILLION facebuuga,waan idinkaga mahadcelinayaa sida aad ila soo xiriiteen ayuu yiri Amitabh Bachchan.

Aktarkan ayaa 40-sano waxaa uu ku qaadanayaa waayihiisa saaxada Bollywoodka.

Amitabh Bachchan ayaa dhawaan keeni doono filimka cusub ee Piku oo ay la wado gabadha lagu magacaabo Deepika Padukone,waxaana uu filimkan soo bixi doonaa  bisha April 30, 2015.

Aktarka Filimada Jaceelka caanka ku ah ee Aamir Khan ayaa maanta oo Axad waxaa uu codsi u gudbiyay Ra’iisul wasaaraha dalka India Narendra Modi.

49 jirkan ayaa soo gaba gabeynaya dhawaan jiliinka Filim qosol badan dadka ka keenaya kaas oo lagu magacaabo PK (film).

Aamir Khan ayaa ka codsaday Ra’iisul wasaare Narendra Modi inuu waqti siiyo filimkiisa oo uu daawado.

“waan ogahay in Ra’iisul wasaaraha ay hortaalo inta badan shaqo adag balse xiiso ayuu lahaan lahaa Filimkeyga hadii uu Modi daawan lahaa ayuu yiri Aamir Khan.

Filimkan cusub ee qosolka badan ayaa soo baxaya 19-ka bishan December sanadka 2014.

Daawo goos gooska Filimka cusub ee uu soo wado Amirkhan.