Aktarada Bollywoodka Sonakshi Sinha oo uu dhalay Shatrughan Sinha oo ay soomaalida u garaneyso Anjeex ayaa iyada iyo qoyskeeda waxaa ay la kulmeen Ra’iisul wasaaraha dalka India Narendra Modi isbuucaan.

MR Modi ayaa barta Twitterka ku soo bandhigay sawirka isaga iyo qoyska halyeyga Shatrughan Sinha isagoo cadeeyay inuu kala qeybgalay xaflad ay dhigteen uuna ku faraxsan yahay la kulankooda.

Gabadha Anjeex Sonakshi oo kamid ah dumarka ugu cad cad Bollywoodka ayaa aad ugu faraxsaneyd la kulanka Ra’iisul wasaare Modi.

Ehelka Sinha  ayaa hadiyad gudoonsiiyay Ra’iisul wasaraaha.

MR  Modi ayaa caanku ah marwaliba inuu saaxib ka dhigto Aktarad Bollywoodka waxaana dhawaan uu ka qeybgalay xafladaha Salman Khan , Vivek Oberoi iyo kuwa kale.

Aan ku xusiiyo Aktarkan rugcadaaga ah ee Anjeex

Aktarada Bollywoodka Katrina Kaif iyo Ranbir Kapoor ayaa la soo warinayaa ugu dambeyn iney si qarsoodi isku guursadeen xili aysan waligood warbaahinta ka hor qirin xiriirkooda

Wararkii ugu dambeeyay ayaa sheegaya Ranbir iyo Katrina iney faraanti isu geliyeen 30-kii bishii December sanadkii 2014 xaflad ka dhacday London .

Kani ma ahan guur shaacsan laakiin waxaa ay wararka sheegayaan inuu yahay mid sireysi ah.

Labadan Aktar ayaa marar badan laga qaadayay sawiri iyagoo ku dalxiisaya Spain, Sri Lanka iyo meelo kale.

Ehelka Ranbir ee Rishi Kapoor  iyo Neetu ayaa la sheegayaa iney u safreen London si ay ugu qeybgalaan faraanti geliska shimbirahan jaceel.

Ranbir iyo Katrina wali kama aysan hadlin wararka leysla dhexmarayo balse hadii tani ay rumowdo hambalyadii ugu badneyd ayey ka helayaan Bollywoodka.

Wiika uu dhalay Jilaaga Hollywoodka Jackie Chan ee Jaycee ayaa  waxaa lagu xukumay lix bilood oo xarig ag.

Jaycee oo 32 jir ah  ayaa dhawaan lagu helay dambi ah inuu gabaad siiyay 100 gram oo darooga ah xili dowlada China ay ku dhawaaqday dagaal ka dhan ah darooga aan sharciga aheyn.

Sida la rajeynayay kadib xarigiisa in lagu xukumi doono seddex sano oo xabsi ah.

Maxkamada Beijing ayaa ku xukuntay lix bil xarig ah iyo lacago dhan $322-kun oo doolar.

Kadib xukunka ,Jaycee ayaa u sheegay warbaahinta inuu jibiyay sharciga mudan yahayna in la ciqaabo”markan bulshada ku laabto mardambe tani oo kale masameyn  doono waan ceeweeyay ehelkeyga.

Bishii hore Jackie Chan ayaa sheegay inuu dareemayo ceeb maadaama wiilkisa lagu helay dambi daroogo

Dhalashada sanadka 2015 ayaa soo xusuusiyay Aktarada Bollywoodka geeridii ku timid mid kamid ah halyeeygii Filimada Hindiga ee Amrish Puri oo ay soomaalida u taqaan Saalimsey.

10-sano ayaa ka soo wareegatay haatan  geerida Amrish Puri oo dunida ka haajiray 12-kii January  sanadkiii 2005.

Da’da 72 sano ayuu ku dhintay Aktarkan oo saaxada Bollywoodka ku soo biiray  sanadkii 1960-kii waxaana dadka daawan jiray filimadiisa ay ku soo xasuusan doonaan filamadiisii sida Mogambo  iyo Mr. India  oo soo baxay sanadkii 1987.

Saalaimsey ayaa dhalay Rajiv iyo Namrata.

Laga soo bilaawo 1967 ilaa 2005 Amrish Puri waxaa uu jilay wax ka badan 400 oo filim.

Aan ku xusuusiyo Jilaagan

Hrithik Roshan ayaa u dabaaldagay toddobaadkan dhalashadiisa 41 aad waxaana hambalyo badan uu ka gudoomay Aktarada Bollywoodka.

Jilaagan 41 jirka noqday ayaa Filimkiisii ugu horeeyay Bollywoodka uu keenay waxaa uu ahaa Kaho Naa… Pyaar Hai kaas oo soo baxay sanadkii 2000.

Hrithik ayaa taageerayaal badan kasbaday kadib markii uu keenay Filimo badan oo guuleystay sida Mission Kashmir’, Lakshya’, ‘Dhoom 2′, ‘Koi…Mil Gaya’, ‘Krrish’, ‘Jodhaa Akhbar’, ‘Guzaarish’, ‘Agneepath’, ‘Zindagi Na Milegi Dobara’ iyo ‘Bang Bang.

Nov 1, 2014, Hrithik  ayaa furay xaaskiisa Sussanne waxaana soo afjarmay xiriirkoodii mudada 17 –ka sano jiray.

Aktarada kala ah Abhishek Bachchan,Shahid Kapoor,Sonakshi Sinha,,Bipasha Basu iyo Uday Chopra ayaa u hambalyeeyay Hrithik Roshan.

Jilaaga da’da yar ee Tiger Shroff ayaa sheegay inuusan marnaba isku dayin inuu sida Aabihii oo kale Jackie Shroff uu noqdo Aktar Filimada Bollywoodka Jila.

Tiger Shroff oo keenay Filimkii ugu horeeyay Bolllwoodka ee Heropanti ayaa la weydiiyay Aktarka uu ugu jecelyahay India kuna daysado.

Wuxuu sheegay Hrithik Roshan inuu yahay kan uu ugu jecelyahay ujeedkiisana uu yahay inuu isaga oo kale noqdo.

Tiger Shroff ayaa sheegay  Hrithik Roshan inuu yahay nin dadaal badan islamarkaana uu dhowr jeer dhaawacmay ka hor inta uusan keenin filimkiisii ugu horeeyay ee Kaho Na Pyaar Hai.

Tiger ayaa sheegay markii uu yaraa inuusan rabin Aktarnimo laakiin uu xiiseyn jiray ciyaaraha gaar ahaan cricket-ka  balse saaxibadey ayaa igu dhihi jiray ayuu yiri in sida Aabaha oo kale adigana Aktar  aad noqon doonto hayeeshee ma diidin waan aaminsanaa iney dhici karto ayuu yiri.

Waa kan Filimkiisii hore Tiger Shroff.

Heesaaga wadanka Canada  Justin Bieber ayaa meesha ka saaray inuusan qorsheynin in xiligan uu guursado,waxaana uu cadeeyay inuu ku faraxsan yahay kalinimada.

Justin Bieber ayaa xiriir jaceel la leh 18 dumar oo kala duwan midkoodna ma doonayo inuu guursado xiligan.

Justin Bieber ayaa sheegay inuu ku faraxsan yahay nolasha doobnimada waxaa ay isiineysaa buu yiri waqti aan nolasheyda diirada ku saaro ama aan ku ogaado.

Kani waa 20 jir qabsaday dunida oo dhan,waa heesaa,sanadkii 2009 ayuu Albunkiisii ugu horeeyay siideeyay kaas oo ahaa My World.

Majalada Forbes ayaa sheegtay 20 jirkan inuu kamid yahay 10-ka shaqsi caanka ah ee ugu awooda badan dunida,sanadahii 2011  iyo 2012 booska seddexaad ayuu galay halka 2013 uu galay kaalinta sagaalaad.

Shimbiraha jaceelka Ranbir Kapoor iyo Katrina Kaif  ayaa beeniyay wararka sheegayay iney faraanti isu geliyeen  oo guur qudbo sira ah ay ku heeshiiyeen kadib markii ay dib ugu soo laabteen fasaxoodii UK

Ranbir iyo Katrina ayey soo baxday 30-kii bishii December 2014 iney isku guursadeen London iyadoo ay ka qeybgaleen xaflada faraanti geliskooda ehelkooda iyo saaxibadooda

Ehelka Ranbir ee Rishi Kapoor iyo Neetu ayaa la soo warinayay iney u duuleen London si ay ugu qeybgalaan xaflada.

Laakiin wax walba ayaa beenoobay markii Katrina Kaif ay ka qeybgashay Umang show markaas  oo faraheeda lagu arkay faraanti iska caadi ah oo aan aheyn kan guurka.

Sidoo kale waxaa taas cadeyn u ah hadii fariinti leysku geliyo oo ah kan guurka waxaa shardi ah in labada lamaane ay xernaadaan faraantiga laakiin Ranbir ma wadan wax faraanti ah.

Cristiano Ronaldo hadii uu yahay xiddiga kubada cagta waxaa ku soo baxay oo saaxibtiisa la tagay Jilaaga Hollywoodka ee Dwayne Johnson oo caan ku ah magaca  Rock.

Shan sano kadib waxaa bur buray xiriirkii ka dhaxeeyay Cristiano Ronaldo iyo Irina Shayk.

Sida laga soo xigtay Webset Vietnamese ah oo lagu magacaab Bongdaplus ,Rock ayaa masuul ka ahaa inuu bur buro xiriirka labada lamaane si uu isaga u hantiyo gabadha Modelka.

Xiddigii hore Champion-ka WWE ee musaaricada ayey wararka sheegayaan iney marar badan ku wadaageen Instagram-ka sawira isaga iyo Irina aadna isku fahmeen.

29 jirta Russia ayaa nolal cusub la bilaaweysa Aktarka Hollywoodka ee ka soo jeeda America iyo Canada,sidaas waxaa laga soo xigtay Websetka Bongdaplus.

Wakiilada Irina Shayk ayaa maanta xaqjiiyay inuu bur buray xiriirkii iyada iyo Ronaldo.

Ninka Ronaldo galay waa kan kubad ma ciyaaro laakiin meelo kale ayuu ku fiican yahay sida filimada

Abhishek Bachchan iyo John Abraham oo siddeedsano ka hor wada keenay fiimka Dostana ayaa markale shaashadaha dib looga arki doonaa.

Warar ayaa sheegaya labadan Aktar iney keeni doonaan qeybta seddexaad Filimka qosolka lahaa ee Hera Pheri.

Filimkan ayaa waxaa sidoo kale ka soo muuqan doona oo wax ka jilaya Suniel Shetty  oo ay soomaalida u taqaan Balwaan iyo Paresh Rawal oo loo yaqaan Oosa buuko kuwaas oo horay ugu jiray  Hera Pheri 2.

Akshay Kumar oo Filimkii hore qeyb ka ahaa ayaa diiday inuu jilo Filimkan qeybtiisa seddexaad.

Bisha June ee sanadkan ayaa la rajeynayaa in la bilaawo jilida Filimkan oo lagu jli doono Dubai iyo Las Vegas.

Hera Pheri  1 ayaa soo baxay sanadkii 1976-dii  waxaana jilaya filimkaas oo Superhit shactiro badan noqday Aktarada kala ah Amitabh Bachchan iyo Vinod Khanna oo ay soomaalida u taqaan Mastaana.

Hera Pheri 2 ayaa isagana soo baxay sanadkii 2000 waxaana waday Aktarada kala ah Akshay Kumar, Paresh Rawal, Sunil Shetty iyo Tabu.

Waa maalin xusuus u leh filimka uu soo saaraha ka yahay Rakesh Roshan ee Karan iyo Arjun oo ay jilayeen Aktarada rugcadaayada India Salman Khan iyo Shah Rukh Khan.

13-kii bishii January  Filimkan ayaa buuxsaday ama jirsaday 20-sano.

Filimkan oo soo baxay 1995 ayaa waxa ka soo wareegatay  haatan mudadaas 20-sano waxaana laga baranayaa saaxibtinimada iyo walaaltinimada qiimaha ay leedahay maadaama ay labada Aktar ku jilayeen kuwa walaala ah.

Karan  ayaa u sheegaya Arjun iney walaalo yihiin kadib dhimashadooda dib u soo noolaadeen.

Sidoo kale Filimkan waxaa jilaya Raakhee, Kajol, Mamta Kulkarni iyo Amrish Puri.

Labada Aktar ayaa siweyn u soo dhaweeyay Filimkoodii dhalinyaronimada ay ku jileen,haatan da’da ayaa heysa.

Aan ku xusuusiyo Filimkan.

Kadib markii dhawaan ay soo baxday  Katrina Kaif iney faraanti isku geliyeen Ranbir Kapoor ayuu hada  warkii hore war soo dhaafay.

Ranbir saaxibadiisii hore Deepika Padukone ayey soo baxeysaa iney kula talisay Katrina ineysan guursan Ranbir Kapoor.

Sida ay soo warineysa Times Of India  Aktarada Deepika oo dhawaan ka qeybgashay xaflad India ka dhacday in la weydiiyay hadii ay talo u jeedineyso gabadha ay ku tartamaan Bollywoodka Katrina Kaif.

Jawaabteeda waxaa ay noqotay”ha guursan Rambir Kapoor.

Arintan ayaa dad badan ka yaabisay maxaa yeelay Deepika iyo Rambir Kapoor horey ayey saaxibo u ahaayeen.

Deepika oo haatan shukaansansata  Ranveer Singh hadana ma aysan qiran marnaba inuu xiriir ka dhaxeeyo waxaa suuragal ah inuu hunguri ka hayo Rambir Kapoor.

Jilaaga John Abraham oo lagu badalay booska Akshay Kumar ee Filimka Hera Pheri 3 ayaa meesha ka saaray inuu jiro naceeb weyn oo labadooda u dhaxeeya.

Mar wax laga weydiiyay John Abraham xiriirka isaga Akshay Kumar oo diiday inuu wax ka jilo qeybta seddexaad Filimka Hera Pheri 3  ayaa yiri” markan saxiixayay jilista filimkan waan wacay Akshey waxaana uu ii sheegay warkaas inaan wada jileyno filimkaas,aad ayuuna u faraxsanaa waxaana uu yiri waa filim aad u weyn in la sameeyo.

Kadib Akshay Kumar ayaa diiday inuu kamid noqdo jilista filimkaas.

John Abraham ayaa sheegay inuu saaxib la yahay Akshey,horayna ay isula soo shaqeeyeen hada ka hor ,mana jirto wax xumaan oo na dhexyaal ayuu yiri.

Hera Pheri 3 waxaa jili doona Aktarada kala ah Abhishek Bachchan, Paresh Rawal iyo Suniel Shetty.

Filimkii qosolka lahaa ee Garam Masala  ayey u wada keeneen Akshay Kumar  iyo  John Abraham.

Jilaaga Bollywoodka Sunny Deol ayaa markale dib ugu soo laabtay Saaxada Bollywoodka waxaana uu soo wadaa filim cusub oo dagaal ah.

Sunny Deol ayaa soo jilaya qeybta labaad Filimka Ghayal oo horay u soo baxay sanadkii 1990-kii isaga ayaana ka ahaa Filimkaas Aktar.

Jilista Filimkan oo haatanba uu ku guda jiro Aktarkan ayaa waxaa uu ku sameeyay Ficil soo jiidasho leh wadooyinka  Mumba ,waxaana laga soo qaaday sawiro  isagoo xeran fanaanad madow iyo surwaal jeemis kuna dhex ordaya wada,ileyn jilista iyo duubista Filimka ayaa bilowday uuna ku guda jiray.

Filimkan cusub ee Sunny Deol ee dagaalka ah ayaa la rajeynayaa uuna wacdaro ka dhigo tiyaatarada India waxaana uu soo baxayaa sanadka 2015.

Sanadkii 1990-kii Filimkan qeybtiisa koowaad isagaa jilay waxaana la waday Meenakshi Seshadri,Raj Babbar,Moushmi Chatterjee iyo Amrish Puri.

Filimkiisii ugu dambeeyay uu Sunny Deol keenay waxaa uu ahaa Dishkiyaoon oo soo baxay 28-kii bishii March 2014.

Toddobaadkan waxaa magaalada Mumbai lagu qabtay Barnaamijka sanadlaha ee lagu Abaalmariyo Aktarada Bollywoodka India kaas oo lagu magacaabo Life OK Screen Awards.

Xaflada sanadka 2015 oo aheyd sanad guuradii 21 aad waxaa guul weyn ka soo hooyay Aktarada Shahid Kapoor, Priyanka Chopra, Shah Rukh Khan , Deepika Padukone, Alia Bhatt iyo wiilka uu dhalay Jackie Shroff ee Tiger Shroff.

Shahid Kapoor  ayaa la gudoonsiiyay Abaalmarinta Aktarka ugu fiicnaa raga Filimkiisa Haider halka Priyanka Chopra ay lagu abaalmariyay fiilimkeedii Mary Kom.

Shah Rukh Khan iyo Deepika Padukone ayaa Abaalmarino la siiyay maxaa yeelay waxaa ay ka baxsadeen filimkii ay isla wadeen ee Happy New Year.

Shahid Kapoor oo Seddex Abaalmarin xaflada lagu siiyay ayaa sidoo kale loo doortay Aktarka sanadka.

Gabadha soo baxeysa Alia Bhatt ayaa iyadana loo doortay geesiyada sanadka.

Hema Malini ayaa la gudoonsiiyay Abaalmarinta Lifetime Achievement Award waana abaalmarin la siiyo rugcadayaada Bollywood howl adag ka qabtay.

Tiger Shroff ayaa lasiiyay Abaalmarinta dhalinyarada Bollywoodka soo baxaya  waxaana lagu abaalmariyay sida uu uga baxsaday filimkiisii ugu horeeyay ee Heropanti.

Sidoo kale Filimkiisa ayaa loo doortay wiilkan Filimka Action-ka ee ugu fiicnaa sanadka waana Heropanti

Filimkii Salman Khan ee Kick iyo kan Aamir Khan ee PK ayaa loo doortay labada filim ee lacagaha ugu badan soo xareeyay.

Shah Rukh Khan iyo Deepika Padukone ayaa noqday sidoo kale codad laga aruuriyay daawadayaasha Aktarka ay ugu jeclaayeen raga iyo dumarka Bollywoodka.

Shah Rukh Khan ayaa helay codad 33% waxaana uu ka cod badiyay Shahid Kapoor iyo Aamir khan.

Dhanka Dumarka Aktarada Bollywoodka Deepika Padukone ayaa heshay codad dhan 26% waxaana ay ka cod badisay Priyanka Chopra,Katrina kaif iyo Kangana Ranaut.

Tabu ayaa iyadana lagu Abaalmariyay doorkeeda filimka ay la waday Shahid Kapoor ee Haider.

Sawirada Xaflada

Jilaaga Bollywoodka Shah Rukh Khan ayaa sheegay wiilkiisa Aryan Khan inuusan soo gali doonin jilista Filimada Bollywoodka.

Shah Rukh Khan ayaa habeenkii dhawaan xaflada 21 aad ee Life OK Screen Awards waxaa uu ka sheegay wiilkiisa 18 jirka Aryan inuu mashquul ku yahay waxbarashada uuna diyaar u aheyn waqtigan inuu Bollywoodka ka soo muuqan doono.

“Aryan ma keeni doono wax filim ah,waxaa uu wali ku mashquulsan yahay waxbarashada ayuu yiri.

Aryan Khan ayaa waxaa uu haatan wax ka bartaa London waxaana marwaliba  Shah Rukh Khan uu ku soo qoraa barta Twitterka inuu ka fakiro marwaliba Aryan.

Jilaaga Filimka Happy New Year ayaa sidoo kale dhalay 14 jirta Suhana iyo AbRam oo canug yar ah.

Afhayeen u hadlay Aktarada Bollywoodka Katrina Kaif ayaa  beeniyay wararka sheegaya inuu guursaday Saaxibkeeda Ranbir Kapoor.

30-kii bishii December waxaa soo baxday iney faraanti isagu geliyeen xaflada ka dhacday London taas oo ay ka qeybgaleen Eheladooda iyo saaxibadooda.

Laakiin waxaa warkaas warbaahinta ka hor cadeeyay inuu been yahay Afhayeenka Katrina oo yiri majirto wax faraanti ay isu geliyeen.

“tani waxaa ay cadeyneysaa in kartrina faraanti loogu gelin xaflad qarsoodi ah oo London ka dhacday,hubaal taas ma ahan wax run ah.

Dhinaca kale inuusan guur jirin waxaa cadeyn u aheyd in Katrina laga waayay faraheeda wax faraanti guur ah.

Aktarada Bipasha Basu  ayaa sheegtay ineysan wax shaalayti ka qabin in Filim aysan waligeed la keenin seddexda Khan ee Bollywoodka India magaca ku leh ee Shah Rukh Khan, Salman Khan ama Aamir Khan.

Mudo 15 sano oo ay ku dhex jirto Aktaradan Bollywoodka marnaba filim ma aysan la keenin midkood.

Bipasha  ayaa sheegtay iney jiraan Aktaro badan oo filimo la keenay Khanada hadana aan laga garaneyn halka ay ka baxeen ,taas oo ay kala jeedo ineysan haatan wax filim ah keenin.

Sanadkii 2001 ayey keentay filimkeedii ugu horeeyay kaas oo ahaa Ajnabee  oo ay la waday Aktarada kala ah Akshay Kumar, Bobby Deol iyo  Kareena Kapoor waxaana ay sheegtay tan iyo waqtigaas in heer fiican ay ka joogto Bollywoodka.

Bipasha ayaa sheegtay ineysan ka helin jilida filimada cabsida laakiin ay aad u jeceshay Filimada Jaceelka.

“waxaan iskudaynaa inaan soo bandhigno sheeko jaceel oo dhab ah taas oo lamaanaha is qaba iyo kuwa saaxibada u cadeynaya waxaa uu yahay jaceelka ayey ku dartay hadalkeeda.

Aktaradan ayaa keentay toddobaadkan Filimkeeda cusub ee Alone .

Salman Khan  ayaa iska soo bar bareeyay Aktarada kala ah Shah Rukh Khan iyo Amitabh Bachchan kuwaas oo ahaa labada Jilaa qura Bollywoodka ee ugu taageeraha badan barta bulshada ee Twitter-ka.

Waxaa uu noqday Aktarkii Seddexeaad oo 10 million taageerayaal ku lahaada Bartan Twitterka .

Salman Khan ayaa wali ku jira haatan jilista Filimka Bajrangi Bhaijaan oo ay isaga iyo Kareena Kapoor ay jilayaan.

Amitabh Bachchan  ayaa ahaa Aktarkii ugu horeeyay India oo 10 million taageerayaal ku yeesha barta Twitterka waxaana soo labeeyay Shah Rukh Khan.

Labadooda uunbaa u sareeyay laakiin Salman Khan ayaa soo saddeexeeyay oo u mahadceliyay taageerayaashiisa.

Toddobaadkan India waxaa ku sii xoogeystay dibadbaxyada ka dhanka ah Filimka PK ee uu waday Aktarka Aamir Khan kaas oo la sheegaya inuu u gafayo diimaha qaar ay leeyihiin dadka Hindida.

Horay ayey u dhaceen dibadbaxyadan iyadoo Aamir Khan uu u sheegay dadka dibadbaxaya hadii aysan Filimkiisa jecleyn ineysan daawan.

Sheekada Filimka PK ayey dibadbaxayaasha sheegayaan inuu dulminayo diimaha dadka Hindia.

Waxaa ay dalbanayaan dadka dibadbaxaya in Dowlada ay ganaaxdo filimkaas oo aan la daawan.

Maxkamada Ugu sareysa dalka India ayaa iyadana sheegtay Filim soo xareeyay dhaqaalaha ugu badan oo dadka ay si aad u daawanayaan inaan la joojin karin.

Filimka PK iyo Kick oo uu waday Salman khan ayaa noqday labada Filim ee sanad 2014 soo xareeyay dhaqaalaha ugu badan.

Dibad baxayaasha ayaa gubayay kaartooyinka ama masawirada Filimka ee Aamir khan.